Superkupa e Italisë mes Juventusit dhe Napolit do të zhvillohet më 20 janar.

Lajmin e ka konfirmuar shefi i Serie A, Luigi De Siervo, ndërsa dy skuadrat do të përballen në territorin neutral në “Stadiumin Mapei” në Reggio Emilia, i njohur si shtëpia e klubit të Serie A, Sassuolo. Ndeshja zhvillohet mes fituesve të Serie A dhe Kupës e Italisë.

Në vitet e fundit, kjo ndeshje është luajtur në përgjithësi jashtë Italisë, por me pandeminë COVID-19 që vazhdon dhe mungesën e tifozëve në stadiume është vendosur të zhvillohet në Itali.