Lajmi i fundit

LIVE/ Qytetarët tubim në mbështetje të liderit të opozitës, Sali Berisha

CONMEBOL vendos përfundimisht, caktohet data dhe stadiumi pritës i finales së Kupës Libertadores

CONMEBOL vendos përfundimisht, caktohet data dhe stadiumi pritës i finales së Kupës Libertadores

18:13, 12/01/2021

Konfederata e Futbollit në Amerikën e Jugut (CONMEBOL) ka vendosur sot edhe datën e stadiumin pritës të finales së Kupës së Libertadores, një kompeticion i ngjashëm me Ligën e Kampionëve në Europë.

Kështu është vendosur që ndryshe nga edicionet e kaluara, këtë herë finalja të luhet me një ndeshje teke, më 30 janar në stadiumin mitik brazilian “Maracana”, por pa praninë e tifozëve, për shkak të situatës së krijuar nga pandemia.

Pas mesnatës së sotme do të luhen edhe gjysmëfinalet e kthimit Santos – Boca Juniors dhe Palmeiras – River Plate, ku vlen të theksohet se skuadrat braziliane janë favorite për të kaluar në finale.

Kjo pasi Palmeiras arriti të triumfojë 0-3 në ndeshjen e parë ndaj River Plate, ndërsa Santos mori një barazim pa gola në “Bombonera” ndaj Boca-s dhe sonte do të provojë një fitore qoftë edhe minimale për të kaluar në finale.

Fituesi i Kupës së Libertadores do të marrë pjesë më pas në Botërorin e Klubeve, kompeticion që do të zhvillohet gjatë muajit shkurt në Katar dhe do të jetë një test për organizatorët, në prag të Kupës së Botës në 2022-shin.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco