Formacioni i mundshëm i Tiranës për derbin me Partizanin, Dede ka vetëm një dilemë

Formacioni i mundshëm i Tiranës për derbin me Partizanin, Dede ka vetëm një dilemë

09:44, 04/12/2020

Torasa është dilema te Tirana për sfidën e sotme me Partizanin.

Deri në momentet e fundit në kampin bardheblu do të pritet nëse Agustin Torasa do të luajë në derbi.

E reja është se lojtari dje u stërvit normalisht me grupin, por frika është se gjuri i tij mund të ënjtet.

Stafi mjekësor po bën të pamundurën që argjentinasi të jetë në fushën e lojës në ndeshjen e sotme derbi.

Torasa do të sakrifikojë edhe me gjilpëra nëse do të jetë e nevojshme.

Tirana do të jetë në fushë me të zakonshmin 4-2-3-1, ose siç pëlqen Dede 4-3-3.

Nuk ndryshon asgjë në repartet. Dyshimi i vetëm është Torasa, i cili nëse nuk luan do të zëvendësohet nga Sasraku, ndërsa Muçi do të spostohet më pas.

Për sa i përket pjesës tjetër të skuadrës, ajo do të jetë e njëjtë si në takimet e tjera.

Në portë, Bekaj, në mbrojtje Toshevski, Najdovski, Hoxhallari e Ismajlgeci.

Në mesfushë, Batha e Giamfi, më përpara Danso, Torasa e Halili dhe sulmuesi i vetëm Muçi.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco