Refuzon të mbajë 1 minutë heshtje për Maradonën, ulet në fushë dhe kthen kurrizin

Refuzon të mbajë 1 minutë heshtje për Maradonën, ulet në fushë dhe kthen kurrizin

09:39, 30/11/2020

Në një fundjavë kur e gjitha bota e futbollit e nderoi të ndjerin Diego Armando Maradona, një futbolliste vendosi të protestojë gjatë një minutë heshtjeje të mbajtur për legjendën argjentinase.

Paula Dapena, e cila luan për klubin spanjoll Viajes Interrias FF, u ul në fushë dhe në kahun e kundërt të 21 futbollisteve të tjera për shkak të bindjeve të fuqishme për fituesin e Kupës së Botës 1986.

“Bashkëlojtaret e mia më shikuan dhe qeshën, sepse e dinin se nuk do ta bëja”, tha ajo për Pontevedra Viva.

“Ditë më parë, në Ditën e Eliminimit të Dhunës Gjinore, nuk u bënë këto gjeste dhe nëse një minutë heshtje nuk u mbajt për viktimat, atëherë unë nuk do ta mbaj një të tillë për një abuzues”, shtoi ajo.

Dapena nënvizoi: “Kam thënë se nuk pranoj të mbaj një minutë heshtje për një përdhunues, pedofil dhe abuzues, prandaj u ula në tokë dhe e ktheva shpinën. Për të qenë lojtar, duhet së pari të jesh njeri dhe unë kam vlera përtej aftësive që i kishte ai, të cilat e dimë që ishin cilësi madhështore futbolli dhe talenti”.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco