Ndarja nga jeta në moshën 60-vjeçare e Diego Armando Maradonës tronditi tej mase opinionin sportiv dhe jo vetëm.

Të shumta ishin homazhet që vërshuan në rrjetet sociale nga mbarë bota, ku nuk munguan edhe ato të shqiptarëve.

Elseid Hysaj është ndër të parët shqiptarë që arriti të takonte legjendën argjentinase, teksa mori si kujtim një foto me të nga dhomat e zhveshjes së Napolit.

“Prehu në paqe Zoti i futbollit”, shkroi Hysaj në foton me Maradonën të shpërndarë në rrjetin social “Instagram”.

Homazhet për vdekjen e legjendës nuk munguan as nga presidenti i FSHF-së, Armand Duka, apo edhe futbollistë dhe ish-futbollistë, si Sadiku, Cikalleshi, Kumbulla, Erjon Bogdani etj.