Me rastet që po rriten në Itali, edhe skuadrat e Serie A po vazhdojnë të numërojnë raste të reja infektimi. Lajmi më i rëndë vjen nga Parma, me skuadrën që njofton për dy lojtarë të riinfektuar me COVID-19. Sipas mediave italiane bëhet fjalë për Bruno Alves dhe Marco Scozzarella.

“Parma Calcio 1913 njofton se testet ef undit kanë dalë të gjitha negative, me vetëm dy lojtarë pozitivë. Ata janë dy atletë të cilët kanë qenë pozitivë më parë dhe tani janë riinfektuar. Të dy lojtarët thuhet të jenë asimptomatik dhe do të jenë në izolim deri në testimet tjera. Mbetet të shihet nëse skuadra do t’i shpëtojë kësaj situate me vetëm dy raste të infektuara",  thuhet në komunikatën e klubit italian.