Zbulimet tronditëse shohin dritën e diellit duke njollosur imazhin e "numrit 7" në renditjen botërore të tenisit, Alexander Zverev , i cili akuzohet nga ish e dashura e tij për abuzim të vazhdueshëm të saj. 

"Ai u përpoq të më mbyste" , pohon ish e dashura e Zverev, Olia Saripova .

Këto akuza dalin në dritë 24 orë pas njoftimit të një ish-të dashurës tjetër të Aleksandrit, Brenda Patea , se ajo është në pritje të fëmijës së tyre.

Tenisti gjerman kishte një lidhje me modelen 27 vjeçare për një vit.

Gushtin e kaluar çifti u ndanë.

 "Ne nuk kemi asnjë kontakt me Alex për momentin," tha Brenda ndërsa ylli i tenisit pohoi:

 "Edhe pse Brenda dhe unë nuk jemi më së bashku, ne kemi një marrëdhënie të mirë dhe unë do të marr përgjegjësinë si prind. Së bashku do të kujdesemi për rritjen e fëmijës. "Unë pres të bëhem baba".

Por le të kthehemi tek Olia Saripova e cila pretendon se është abuzuar gjatë US Open vitin e kaluar në New York .

 "Herën e parë që ai më goditi, ishte në fillim të marrëdhënies sonë, ne luftuam dhe ai më hodhi pas murit me një forcë të tillë që unë rashë në dysheme ... Unë ika nga hoteli zbathur. Isha duke qëndruar në rrugët e Nju Jorkut dhe nuk dija ku të shkoja dhe çfarë të bëja ", pohon Saripova, duke shtuar se ylli gjerman i tenisit u përpoq ta mbyste atë me një jastëk. 

Sipas gazetës britanike, në postimin e saj në Instagram, Olia fillon të zbulojë përvojën e saj traumatike po pa treguar se kush ishte abuzuesi:

" Unë dua të tregoj një histori personale dhe shumë të vështirë për mua që tashmë e kam përjetuar dhe tani i përket së kaluarës ... Unë kam qenë një viktimë abuzim! Herën e parë që kjo ndodhi në fillim të kësaj marrëdhënieje, kishte një grindje dhe më pas mora një goditje në kokë me aq forcë sa rashë në dysheme ... Në gusht të të njëjtit vit, unë ika nga hoteli zbathur. Isha duke qëndruar në rrugët e Nju Jorkut dhe nuk dija ku të shkoja dhe çfarë të bëja ... Ai u përpoq të më mbytste me një jastëk ... Më e frikshmja ishte sepse në një moment nuk mund të merrja frymë. U përpoqa të ikja nga dhoma disa herë, por ai nuk më lejoi. Kisha frikë se dikush mund të na shihte dhe të na dëgjonte. Por në fund arrita të lirohem dhe vrapova zbathur ".

Më vonë, kur u pyet nga faqja në internet ruse "ChampionAT" kujt po i referohej, ajo zbuloi emrin e Zverev.

Sidoqoftë, Zverev i mohon pretendimet e saj, me anë të një deklaratë se ato janë të pabazuara.

 "Ne e kemi njohur njëri-tjetrin që kur kemi qenë fëmijë dhe kemi ndarë shumë përvoja së bashku," tha ai. 

"Më vjen shumë keq që ajo bën deklarata të tilla sepse akuzat e saj nuk janë të vërteta," tha Zverev.