FSHF ka zyrtarizuar se në fundjavë (31 tetor) do të fillojë kampionati në Kategorinë e Parë dhe të Dytë.
Ndërsa sa i përket Kategorisë Superiore, ashtu siç është njoftuar edhe nga Liga Profesioniste e Futbollit, vendimi do të merret ditën e premte pas takimit me presidentët e klubeve.
Njoftimi zyrtar:
Federata Shqiptare e Futbollit bën me dije se këtë fundjavë do të nisë edicioni i ri futbollistik 2020/2021 në Kategorinë e Parë, Kategorinë e Dytë dhe në të gjitha nivelet e moshave.
Sektori i Garave në FSHF i ka nisur njoftimet klubeve dhe po kryen përgatitjen e nevojshme për këtë rifillim.
Sa i përket Kategorisë Superiore, ashtu siç është njoftuar edhe nga Liga Profesioniste e Futbollit, vendimi do të merret në mbledhjen që presidentët e klubeve do të zhvillojnë sipas programit ditën e premte.
© SYRI.net
Bëje LIKE dhe merr lajmin e fundit nga Sporti: