Ditën e sotme do të ngrejë siparin faza e grupeve e Ligës së Kampionëve.

Do të jenë 8 sfidat e para që do të luhen sot, teksa në fushë do të zbresin skuadra si Barcelona, Juventus, PSG, Manchester United si edhe Chelsea dhe Sevilla.

Gara më prestigjioze europiane për klube rikthehet vetëm tetë javë pas mbylljes së edicionit të kaluar, i cili u zgjat si pasojë e pandemisë koronavirus, por frika se edhe ky sezon do të ndikohet nga ky virus mbetet e madhe.

Padyshim që supersfida e mbrëmjes së sotme është ajo mes PSG-së dhe Manchester United, ndërkohë që duele tepër interesante janë edhe ato Chelseat dhe Sevillas si dhe Lazio-Dortmund.

Në tabelën e mëposhtme mund të shihni ndeshjet dhe oraret e sfidave të sotme.