Një lajm i trishtë për klubin e Shkumbinit, teksa mësohet se është ndarë nga jeta një nga figurat më të spikatura të futbollit peqinas, Naim Gripshi.

Gripshi ka kontribuar për ekipin e Shkumbinit rreth viteve ’70, ku ka luajtur si mbrojtës. Pas një dëmtimi të rëndë u detyrua ta linte sportin shpejt. Mirëpo kjo gjë nuk e ndan atë prej futbollit.

Profesor Naimi ishte promotori i hapjes së klasave sportive dhe një trajner tepër i përkushtuar i moshave. Prej tij kanë dalë lojtarë si trajneri aktual Magani, Branica, Tosku, Nexha, Isai, etj.