Kombëtarja shqiptare e futbollit luajti në transfertë me Lituaninë ndeshjen e katërt të Grupit 4 të Ligës C të Kombeve, shkruan Syri.net.
Ashtu si tre ditë më parë në Kazakistan, edhe në fushën e Vilniusit kuqezinjtë barazuan pa gola, duke marrë vetëm 1 pikë nga 3 që synonin.
Rastet për të besuarit e Edi Rejës nuk munguan, madje në pjesën e parë patën pretendim për penallti, por rruga e rrjetës nuk u gjend.
Ky ishte barazimi i dytë radhazi dhe tashmë Shqipëria ka 5 pikë, aq sa edhe Lituania që momentalisht ndodhet më lart për shkak se na ka mundur në ndeshjen e parë në fushë tonë.
Pritet sfida Bjellorusi-Kazakistan për të përcaktuar renditjen e grupit pas ndeshjeve të katërta.
Kjo ishte ndeshja e tretë radhazi që kuqezinjtë nuk shënojnë.
© SYRI.net
Bëje LIKE dhe merr lajmin e fundit nga Sporti: