Fabio Quartararo triumfon në Çmimin e Madh të Katalunjës dhe kthehet në krye të Botërorit të MotoGP.
Në Barcelonë, francezi i ekipit Petronas u parapriu dy motorëve Suzuki të Joan Mir dhe Alex Rins, ndërsa vendi i katërt shkoi për Morbidellin.
E diel e hidhur për Andrea Dovizioson, që u përfshi në një kontakt me Zarcon në fillim të garës dhe ishte i detyruar të tërhiqej.
Ditë e keqe edhe për Valentino Rossin, që u rrëzua në garën numër 350 në karrierë në tij në klasin mbretëror.
Supozohej të ishte një duel mes Fabio Quartararos dhe Andrea Doviziosos, por një rrëshqitje e pilotit italian në kthesën dytë në xhiron e parë, efektivisht prishi spektaklin në Montmelo.
Përfitoi nga ky episod “Djalli”, Fabio Quartararo, i cili pas dy muajsh “agjërim”, ngrihet përsëri në shkallën më të lartë të podiumit, duke rifituar kreun e klasifikimit të përgjithshëm.
© SYRI.net
Bëje LIKE dhe merr lajmin e fundit nga Sporti: