Rafael Leao ka mposhtur koronavirusin dhe ditën e sotme është rikthyer në stërvitje me klubin e Milanit.

Sulmuesi portugez nuk kishte marrë pjesë fare në stërvitjet para-sezonale pasi u infektua me virusin famëkeq.

Pas gati një muaji, Leao tani është përsëri në stërvitje dhe e konfirmoi atë vetë me një fotografi në Instagram të dhomës së zhveshjes së Milanello.

Megjithatë Leao nuk do të marrë pjesë në ndeshjen e parë të Serie A me Bolongnan, as në ndeshjen e raundit paraprak të Ligës së Europës me norvegjezët e Bodo/Glimt.