Milani e rihap "San Siron" sonte për 1000 tifozë për ndeshjen e Serie A kundër Bolognas. Klubi “kuqezi” ka ftuar mjekët dhe personelin shëndetësor nga rajoni i Lombardisë në këtë ndeshje, raporton agjencia ANSA.

Milani ka ndarë bileta për personelin shëndetësor në shenjë falënderimi për luftën që është bërë dhe po bëhet ndaj pandemisë COVID-19.

Po ashtu disa bileta janë ndarë për anëtarët e familjeve të lojtarëve, stafin shëndetësor të klubit, partnerë të Milanit e për institucione.