Leipzig shkroi historinë pas fitores me rezultatin 2-1 ndaj Atletico Madrid në çerekfinalet e Ligës së Kampioneve. Gjermanët me këtë triumf arritën të kualifikoheshin për herë të parë në gjysmëfinalet e këtij kompeticioni mjaft të rëndësishëm.

Në një prononcim pas ndeshjes, trajneri i Leipzig, Julian Nagelsmann, ku u shpreh: " Është e vërtetë që ne ishim me fat në golin e dytë, por ne gjithashtu krijuam shumë hapësirat e duhura për të ardhur te goli. Ne i kishim idet e qarta për atë çfarë kërkonim. Gjysma jonë e parë ishte pozitive, ndërsa në pjesën e dytë ne ishim jo aq mirë. Futbolli ynë sulmues bëri ndryshimin, Atletico nuk krijoi shumë dhe mendoi më shumë të mbrohej, çka na bëri që të mos merakoseshim për mbrojtjen…”, tha Nagelsmann pas ndeshjes.