Dje, Juventus zyrtarizoi largimin e Blaise Matuidi me marrëveshje ndërmjet palëve. Por francezi nuk qëndroi gjatë në treg. Siç pritej, mesfushori është transferuar te Inter Miami në Amerikë. Në faqen zyrtare të MLS, ish-lojtari i PSG-së foli fjalët e para si futbollist i skuadrës amerikane.

"Jam vërtet i lumtur dhe i nderuar që u bashkova me Inter Miami. Shpresoj që do të fitojmë shumë trofe së bashku. Është një sfidë e madhe për mua. Shpresoj të bëj më të mirën dhe të punoj shumë ”, tha Matuidi.