Nuk ndalet Kukësi, firmos me sulmuesin nigerian

Nuk ndalet Kukësi, firmos me sulmuesin nigerian

14:42, 10/08/2020

Kukësi nuk humb kohë për t’u përforcuar dhe ka gjetur menjëherë zëvendësuesin e Vasil Shkurtajt në sulm, të cilin drejtori sportiv Nderim Nexhipi e ka prezantuar zyrtarisht mesditën e sotme.

Bëhet fjalë për sulmuesin 27-vjeçar nga Nigeria, Patrick Friday Eze, i cili së fundi ka qenë pjesë e skuadrës jordaneze të Al Ramtha dhe tani do të vihet nën urdhrat e trajnerit Skënder Gega, me shpresën për t’u shndërruar në goleadorin e verilindorëve.

Sezonin më të mirë sulmuesi Eze e ka bërë kur luante me serbët e Mladost, duke shënuar 15 gola dhe duke u shpallur golshënues i ligës serbe, ndërsa në karrierën e tij numëron edhe eksperienca me skuadrat turke të Konyhaspor e Denizlispor.

Patrick Eze ka firmosur një kontratë 2 vjeçare me Kukësin. Sulmuesi është afrimi i 5-të te verilindorët, pasi pak ditë më parë u prezantuan, Angelo Tafas, Albin Gashi, Zenel Gavazaj e Redon Dragoshi, të cilët po stërviten nën urdhrat e trajnerit Gega.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco