Tifozët e Barcelonës mund të jenë të qetë. Lionel Messi do të jetë në gjendje të luajë të premten e ardhshme (21:00), kundër Bayernit të Mynihut në çerekfinalen e Ligës së Kampionëve.

Argjentinasi do të zbresë në fushën e “Da Luz”, pasi ekzaminimet e kryera sot treguan që nuk ka asgjë serioze nga goditja që mori nga Koulibaly.

Qendërmbrojtësi i Napolit e goditi pa dashje Messin në pjesën e pasme të këmbës, pasi argjentinasi i vodhi kohën, duke fituar një 11-metërsh.

Messi kërkoi ndihmë mjekësore për disa minuta dhe me kyçin e këmbës ende të lënduar, ai preferoi të mos ekzekutonte penalltinë.

Ishte Luis Suarez që e shndërroi atë në gol, duke e vulosur fitoren që në pjesën e parë.

Në pushimin mes pjesëve, Messi u kërkoi shokëve të skuadrës të ruanin qetësinë.

Ai preferoi të kthehej në fushë gjatë pjesës së dytë, por ishte shumë i kujdesshëm që të mos lëndohej më shumë, duke qëndruar përgjithësisht pasiv.