Pak minuta më parë UEFA ka përditësuar ndarjen e vazove për shortin që do të hidhet nesër në orën 12:00 për turin e parë të Ligës së Kampioneve. Tirana e nis nga ky tur dhe UEFA ka përzgjedhur katër kundërshtarë të mundshëm të bardhebluve në shortin që do të hidhet të dielën në Nion të Zvicrës.

Astana (Kazakistan), Karabak (Azerbajxhan), Makabi Tel Aviv (Izrael) dhe Dinamo Tbilisi (Gjeorgji) janë ekipet që mund të përballen me bardheblutë.

Të katërta janë favorite në letër, por një sfidë me kampionen e Gjeorgjisë duket më e pranueshme që bardheblutë të shpresojnë për më tej. Kujtojmë që edicionin e kaluar, Partizani u përball me azerët e Karabakut dhe ky klub tashmë mund të luajë sërish me kampionen e Shqipërisë.