Baseli dhe Wolves sigurojnë dy biletat e fundit të fazës çerekfinale të Europa League-s, ku do të përballen respekivisht me Shakthar Donetsk dhe Sevillan.
Në fakt, skuadra zvicerane thuajse e kishte siguruar kualifikimin që në takimin e parë me Eintracht Frankfurtin, të cilin e kishte mposhtur 3-0 në transfertë, kështu që në takimin e kthimit të zhvilluar në “St. Jakob-Park” u mjaftua me një sukses minimal, falë golit të shënuar nga Frei në minutën e 88-të.
Shumë më emocionuese ishte sfida e zhvilluar në “Molineux Stadium” të Wolverhamptonit mes Wolves dhe Olympiacosit, ku një gol i shpejtë i realizuar me 11-metërsh nga Jimenez rezultoi vendimtar në kualifikimin e “ujqërve”, të cilët kishin barazuar 1-1 në sfidën e parë të zhvilluar në fushën e skuadrës greke.
Në fakt, takimi mbeti i hapur deri në sekondën e fundit të lojës, por futbollistët e Olympiacosit, edhe pse rrezikuan në disa raste, nuk mundën ta gjenin golin që do ta çonte sfidën në shtesë.
Në çerekfinale do të luhen këto sfida
Wolves-Sevilla
Manchester United-Copenhagen
Inter-Bayer Leverkusen
Shaktar Donetsk-Basel
© SYRI.net
Bëje LIKE dhe merr lajmin e fundit nga Sporti: