Data 1 gusht 2020 do të mbahet mend gjatë nga futbollisti shqiptar, Xhiakomo Vrioni. 21-vjeçari i cili ka spikatur në Juventus U23, debutoi në ekipin e parë të drejtuar nga Maurizio Sarri në ndeshjen e humbur 1-3 kundër Romës.
Ai u aktivizua nga tekniku italian në minutën e 79, kur zëvendësoi Gonzalo Higuain. Një moment i paharrueshëm për sulmuesin, i cili u bë nga të paktët shqiptarë, që luan në një ndeshje zyrtare të kampionëve të Italisë.
Gëzimin Vrioni e ka ndarë edhe me mbështetësit e tij në “Instagram”. Sulmuesi ka shpërndarë një video nga momentet e debutimit, ku shkruan: “Një ëndërr që bëhet realitet, një mbrëmje e paharrueshme dhe një stimul i mëtejshëm për të vazhduar të rritem dhe të përmirësohem çdo ditë e më shumë”.
© SYRI.net
Bëje LIKE dhe merr lajmin e fundit nga Sporti: