Guardiola: Do të qëndroja në Man City edhe sikur të binim nga kategoria

Guardiola: Do të qëndroja në Man City edhe sikur të binim nga kategoria

08:41, 15/07/2020

Pep Guardiola beson se tani nuk është koha për të biseduar për kontratën e re me Manchester Cityn.

Strategu spanjoll pretendon se edhe nëse “qytetarët” do të binin në Kategorinë e Tretë, ai do të vijonte të qëndronte në krye të Manchester Cityt.

Vendimi i Gjykatës së Arbitrazhit Sportiv i hoqi dënimin dhe tashmë Man City do të marrë pjesë sezonin e ardhshëm në Champions League.

“Asgjë nuk ma ka ndryshuar mendimin, mbase do të jem në gjendje të qëndrojë më gjatë këtu”, tha Guardiola i pyetur nëse do ta zgjasë kontratën me Cityn.

“Si klub, njerëzit nuk mund ta kuptojnë sesa kohë e vështirë ka qenë kjo për ne, sepse jemi akuzuar për diçka që nuk e kemi bërë”, shtoi ai.

“Tani nuk është koha për të biseduar për kontrata, e kemi një muaj të jashtëzakonshëm. E kam edhe një vit kontratë, për një trajner kjo është kohë e gjatë, shumë e gjatë”, nënvizoi ai.

“Unë do të qëndroja këtu, nuk kishte rëndësi nëse luajmë apo jo në Ligën e Kampionëve, apo siç sugjeruan shumë njerëz këtu në Angli, në League Two”, theksoi ai.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco