Werder Bremen ka arritur të sigurojë qëndrimin në Bundesligë.
Skuadra ku aktivizohet Milot Rashica barazoi 2-2 në përballjen e dytë të “Play-off”-it ndaj Heidenheim, por rregulli i golit në fushë kundërshtare ndihmoi Werderin të siguronte qëndrimin në Bundesligë, pasi takimi i parë kishte përfunduar 0-0.
Werderi kaloi në epërsi që në fillim të ndeshjes me autogolin e Norman Theuerkauf (3’).
Në vazhdim ndeshja ishte e baraspeshuar dhe vendasit tentonin të shënonin sa më shpejt.
Por goli për ta erdhi shumë vonë, kur Tim Kleindienst (85’) barazoi gjithçka.
Heidenheim kërkoi edhe golin e fitores në minutat e mbetura, por skuadra mike arriti të realizonte me Augustinsson (90+4′), duke shuar shpresat e vendasve për një fitore të mundshme.
Deri në fund, Heidenheim barazoi rezultatin falë një penalltie të shndërruar në gol nga Kleindienst (90+7′), por që shërbeu sa për të vulosur rezultatin 2-2, i cili e mbajti Weder Bremenin në Bundesligë.
Në këtë përballje për 80 minuta ishte në fushë edhe ylli kosovar, Milot Rashica.
© SYRI.net
Bëje LIKE dhe merr lajmin e fundit nga Sporti: