Dëmtohet Ardian Ismajli, humbet sfidat deçizive të Hajdukut

Dëmtohet Ardian Ismajli, humbet sfidat deçizive të Hajdukut

21:20, 05/07/2020

Hajduku i Splitit e sheh veten në një pozicion jo edhe aq komod në kampionatin kroat përsa i përket luftës për të siguruar vendin e dytë që të çon në Ligën e Kampioneve dhe për momentin ka pak shanse që t’i rrëmbejë këtë pozicion skuadrës së Lokomotiv Zgreb.

Humbja e sotme përballë Osijek me shifrat 1-0 e ka lënë 6 pikë larg vendit të dytë dhe situata komplikohet edhe më shumë me dëmtimin e Ardian Ismajlit.

Mbrojtësi i përfaqësueses shqiptare, një nga shtyllat e skuadrës së drejtuar nga Igor Tudor, është larguar i dëmtuar nga fusha e lojës që në minute e 15-të të sfidës pas një përplasje dhe sipas mediave kroate, rrezikon të humbasë ndeshjet e rëndësishme të radhës duke filluar nga ajo ndaj Dinamo Zagreb.

Në atë takim, Hajdukut do t’i mungojë edhe Françesko Tahiraj, i cili sot mori kartonin e verdhë të radhës dhe është pezulluar për sfidën në kampionat.

Kështu, gjithçka bëhet më e lehtë për Lokomotiv Zagrebin e shqiptarëve, që në këto javë po përpiqet të mbrojë pozicionin që mban, për të siguruar një pjesëmarrje historike në Champions.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco