Lajmi i fundit

LIVE/ Qytetarët tubim në mbështetje të liderit të opozitës, Sali Berisha

Prade 'shpërthen' ndaj arbitrit: Kushtëzoi ndeshjen me vendimet që mori!

Prade 'shpërthen' ndaj arbitrit: Kushtëzoi ndeshjen me vendimet që mori!

12:54, 28/06/2020

Lazio fitoi me përmbysje 2-1 ndaj Fiorentinës dhe arriti të mbajë të hapur garën për titullin kampion.

Mirëpo polemikat duket se do të vazhdojnë gjatë, pasi Drejtori Sportiv i vjollcëve, Daniele Prade akuzoi se ishin vendimet arbitrare ato që kushtëzuan rezultatin e ndeshjes.

Në përfundim të takimit, drejtuesi i Fiorentinës solli në vëmendje penalltinë e akorduar për lacialët pas një simulimi të Caicedos, por edhe një 11-metërsh të munguar në favor të Ribery, ndërsa theksoi se Bastos duhej të ishte ndëshkuar me karton të kuq.

“Ishte një ndeshje shumë e mirë nga ana jonë, por më vjen keq që rezultati final u kushtëzua nga vendimet e arbitrit. Bastos ishte për t’u ndëshkuar me karton të kuq dhe nuk e kuptoj si u kalua vetëm me një të verdhë ai episod. Penalltia në favor të Lazios nuk ishte dhe të gjithë e pamë që Caicedo është rrëzuar para se të kërkojë kontaktin me portierin tonë. Për më tepër na mungon edhe një penallti në favorin tonë, pas një faulli të qartë ndaj Ribery”, u shpreh Prade.

 

© SYRI.net

Lexo edhe:

Tags

Bëje LIKE dhe merr lajmin e fundit nga Sporti:

Komentet

Shto koment

Denonco