Barcelona është ndalur sërish pasi nuk ka marrë më shumë se një barazim 2-2 ndaj Celta Vigos.

Goli i parë në këtë ndeshje erdhi nga Luis Suarez, i cili pas asistimit “magjik” të Lionel Messi, dërgoi topin në rrjetë.

Në minutën e 50’ Celta Vigo vendosi barazpeshën duke shënuar 1-1 me anë të Fedor Smolov.

Katalanët arritën përsëri të kthejnë avantazhin, përsëri me kombinimin e njëjtë, asistim Messi, gol Suarez (67’).

Kur mendohej se Barca do të dalë me tri pikët nga kjo ndeshje, Iago Aspas lëshoi një perlë nga goditja e dënimit ndërsa Ter Stegen e kishte të pamundur për të reaguar.

Pas këtij barazimi, Barcelona mban vendin e parë me 69 pikë, 1 më shumë se Reali që të diel luan kundër Espanyolit.