Juventus ka bërë një hap të madh drejt titullit në Serie A
“Zonja e vjetër” ka mposhtur me rezultatin 4-0 Leccen në ndeshjen e vlefshme për javën e 28-të në elitën e futbollit italian.
Ishin Paulo Dybala dhe Cristiano Ronaldo dy yjet që i siguruan tri pikë skuadrës së udhëhequr nga Maurizio Sarri, por të ndihmuar edhe nga Higuain e De Ligt, në një ndeshje ku Lecce luajti me 10 lojtarë që nga minuta e 32′.
Ishte minuta e 53’ kur Dybala shënoi një super gol nga jashtë zonës së 16-metërshit, për t’i dhënë avantazhin Juventusit
Kurse, në minutën e 62’, Cristiano Ronaldo konvertoi në gol një penallti të akorduar në favor të skuadrës së tij.
Goleada vazhdoi kur Cristiano Ronaldo me një asistim jashtëzakonisht të bukur ndaj Gonzalo Higuainit, ky i fundit që dërgoi topin në rrjetë për 3-0. Rezultati u vulos tre minuta më vonë, kur Matthijs De Ligt shënoi me kokë.
Me këtë fitore, Juventus mban kreun e Serie A me 69 pikë të grumbulluara, 7 më shumë se ndjekësit e Lazios.
© SYRI.net
Bëje LIKE dhe merr lajmin e fundit nga Sporti: