Milani i ka ofruar rinovim kontrate portierit Gianluigi Donaruma.

Kontrata e italianit me kuqezinjtë skadon në 2021-shin dhe drejtuesit duan të mos e lëshojnë as këtë vit, aq më tepër që nuk duan ta humbasin me parametra zero verën e ardhshme.

“La Gazzetta dello Sport” pretendon se Milani i ka ofruar një kontratë 6 milion euro, pasi janë ulur më parë në bisedime me agjentin e tij Mino Raiola.

Gazidis po mendon të bëjë një ulje page për lojtarët dhe skuadrën prej pandemisë Koronavirus, por mund të bëjë një përjashtim për portierin italian.

Bisedimet mes Milanit dhe Donarumës vazhdojnë, me kuqezinjtë që vazhdojnë t’i qëndrojnë të njëjtave termave financiarë, pra 6 milion euro në sezon.