Liverpool priti në “Anfield” Crystal Palace në kuadër të javës së 31-të në Premier League. “Të kuqtë” kërkonin me patjetër fitoren për t’iu afruar sa më shumë titullit kampion.
Dhe djemtë e Jurgen Klopp arritën të fitonin me rezultatin e thellë 4-0 ndaj “Shqiponjave”.
Fillimisht ishte, Arnold që hapi serinë e golave për Liverpool me një perlë nga goditja e lirë, e pakapshme nga portieri Hennessey.
Në fund të pjesës së parë Fabinho shërbeu bukur nga mesfusha për egjiptianin Salah, që tregoi më të mirën e tij në kontrollin e topit dhe në finalizim, 2-0.
Për kornizë edhe “siluri” i Fabinhos në minutën e 55-të, që nuk i dha asnjë shans portierit Hennesey, 3-0.
E ç’mund të bënte “gardiani” i Crystal Palace në minutën e 69-të, kur Salah, me shumë zgjuarsi, nxori Manenë të lirë, me sulmuesin senegalez që nuk gaboi me një goditje diagonale, që përfundoi në cepin e portës.
Falë këtij suksesi të 23-të radhazi, Liverpool është vetëm dy pikë larg kurorëzimit si kampion i Anglisë. “Të kuqtë” mund të shpallen fitues të Premier League ditën e enjte, nëse Manchester City nuk fiton në Stamford Bridge, kundër Chelsea.
© SYRI.net
Bëje LIKE dhe merr lajmin e fundit nga Sporti: