Achraf Hakimi është huazuar prej dy vitesh te Borussia Dortmund. Një proçes që kënaq të gjitha palët, pasi Real Madrid nuk mund t’i japë shumë minuta, ndryshe nga Dortmund, që e kanë kthyer në një lojtar kryesor të skuadrës.
Duke parë paraqitjet e shkëlqyera të 21 vjeçarit, shtrohet pyetja e së ardhmes së tij: a do ta rimarrë përfundimisht Real Madrid në fund të këtij sezoni? Në një konferencë për shtyp, drejtori sportiv Borussia Michael Zorc foli mbi situatën e Hakimit. " Kontrata e thotë qartë që ai duhet të kthehet te Real Madrid. Megjithatë, ne po mundohemi që sezonin e ardhshëm ta kemi përsëri në skuadër, Hakimin. Por është shumë herët të diskutojmë për këtë, " tha Zorc. Borussia pritet të kërkojë një tjetër huazim të lojtarit nga Real Madrid.
© SYRI.net
Bëje LIKE dhe merr lajmin e fundit nga Sporti: