Në krye të Bundesligës, shtatë pikë përpara Dortmundit, pesë javë para përfundimit të sezonit, Bayern Munich ka mundësinë që të bëjë një hap të madh drejt titullit në fushën e Bayer Leverkusen, shkruan Syri.net.
Por djemtë e Peter Bosz, aktualisht të pestët në renditje, do të luftojnë për tri pikët, pasi shpresojnë për një vend në Champions League sezonin e ardhshëm.
Për këtë ndeshje, trajneri holandez i Leverkusen rreshton skuadrën me një 3-4-3, me një treshe në sulm të përbërë nga Moussa Diaby-Leon Bailey dhe sulmuesi argjentinas Lucas Alario.
Mungesë e rëndësishme për "Aspirinët" është Kai Havertz. Nga ana tjetër Hansi Flick i beson 11-shes në sfidën ndaj Dusseldorf fundjavën e kaluar, me përjashtim të Lucas Hernandez, i cili i jep vendin David Alabas në mbrojtje.
Ndeshja fillon nga ora 15:30, më poshtë keni dhe formacionet zyrtare për të dy skuadrat:
© SYRI.net
Bëje LIKE dhe merr lajmin e fundit nga Sporti: