Federata Italiane ka dalë me një projekt të quajtur “Të shpëtojmë futbollin”, ku rreth 21,7 milionë euro do shpërndahen për të ndihmuar klubet e vogla që militojnë në kategoritë ë ulëta të futbollit italian.
Në një deklaratë, Federata Italiane e Futbollit zbulon planin sesi do t’i shpëtojë ligat e ulëta dhe skuadrat që luajnë në to.
“Aprovimi final do dërgohet në Këshillin Federal më 8 qershor”, lexohet në deklaratë.
Federata Italiane do ndihmojë në mënyrë financiare klubet e futbollit në Serie B, Serie C, Ligat Amatore dhe futbollin e femrave pas krizës që la pas Koronavirusi.
Ja se si do ndahen fondet e Federatës për të mbështetur ekipet në kategoritë e ulëta:
Mbi 5 milionë euro ndihmë do marrin ekipet e Serie B
Mbi 5 milionë euro ndihmë do marrin ekipet e Serie C
Mbi 5 milionë euro ndihmë do marrin Ligat Amatore
Mbi 3 milionë euro do marrin lojtarët dhe stafet e të gjitha ekipeve, dhe 700,000 euro ndihmë financiare do marrë futbolli i femrave.
© SYRI.net
Bëje LIKE dhe merr lajmin e fundit nga Sporti: