Zyrtare: Miratohet kalendari i Serie-A

Zyrtare: Miratohet kalendari i Serie-A

22:01, 29/05/2020

Pas dhënies së dritës jeshile nga qeveria në bashkëpunim me Federatën Italiane të Futbollit për rinisjen e kampionatit më 20 qershor, Asambleja e Ligës së Serisë A, u mblodh ditën e sotme përmes një video-konference, ku vendosi që fillimisht të luhen sfidat e prapambetura më pas të vijohet rregullisht me javët e mbetura të sezonit.

Kështu, me 20 dhe 21 qershor do të luhen Atalanta-Sassuolo, Verona-Cagliari, Inter-Sampdoria dhe Torino-Parma, ndërsa më 22 qershor e më pas do të luhen ndeshjet e javës së 27-të. Datat dhe oraret e ndeshjeve do të njoftohet nga Liga e Serisë A në vijim.

Aktiviteti sportiv i sezonit 2019/2020 do të rifillojë menjëherë me Kupën e Italisë, finalja e së cilës është caktuar për në 17 qershor. Sa u përket gjysmëfinaleve të kthimit, Juventus-Milan duhet të luhet më 13 qershor dhe të nesërmen Napoli-Inter. Por ka ende disa diskutime për të rënë dakord mbi datat. Ekziston hipoteza për t’i kërkuar qeverisë që t’i afrojë disa ditë datat e gjysmëfinaleve.

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco