Qeveria e Italisë dhe FIGC kanë konfirmuar sot se sezoni i futbollit në Itali do të rifillojë gjatë muajit qershor.

Serie A do të rifillojë më 20 qershor, kurse Serie B do ta bëjë këtë gjë më 26 qershor, e konfirmon presidenti i Lega Serie B, Mauro Balata.

“Serie B do të rifillojë më 26 qershor, pasi tashmë kemi dorëzuar datën dhe Qeveria e ka miratuar. Është një gjë e mrekullueshme që po fillojmë”, tha Balata.

Kujtojmë se data është mësuar edhe për Kupën e Italisë. Ajo zhvillon gjysmëfinalet më 13-14 qershor, kurse finalja më 17 qershor.