Lorik Cana ka rrëfyer si po e kalon këtë periudhë izolimi në shtëpi si pasojë e pandemisë së koronavirusit.

I ftuar në “Ftesë në 5” në Top Channel, ish-kapiteni i Kombëtares shqiptare tregoi se ky ishte një vit i mrekullueshëm për të për shkak se erdhi në jetë vajza e tij Enkeleida.

“Një pjesë e madhe e shoqërisë që ka vuajtur shumë këtë muaj, për shumë çështje, që kanë të bëjnë me vështirësitë ekonomike. Por të jesh 24 orë në 24 me familjen, fëmijët, është gjëja më e bukur. Për mua 2020 ka qenë e mrekullueshme deri më tani. Lindja e fëmijëve bëhet një moment i bukur për një prind dhe lindja e Enkeleidës ashtu ka qenë për mua”, u shpreh Cana.