Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

I skadon kontrata në qershor, pas 7 vitesh mund të largohet nga Napoli

I skadon kontrata në qershor, pas 7 vitesh mund të largohet nga Napoli

12:46, 25/05/2020

Pas 7 vitesh me fanellën e Napolit, ku ka luajtur për 336 ndeshje dhe ka shënuar 80 gola, spanjolli Jose Callejon pritet të largohet nga klubi italian në fund të muajit qershor, kohë kur i skadon edhe kontrata që e mban të lidhur me të kaltrit.

Deri tani 33-vjecarit nuk i është bërë asnjë ofertë për të vijuar bashkëpunimin e tij me napolitanët dhe sipas mediave italiane, nuk është parashikuar asnjë takim mes palëve, pasi duket se nuk kanë më ndërmend të rinovojnë kontratën.

Pikërisht për këtë arsye, drejtori sportiv i Napolit, Mario Giuntoli, po punon për të gjetur pasuesin e Callejon dhe pas emrit të brazilianit Everton Soares, së fundi në skenë ka dalë emri i sulmuesit shqiptar Milot Rashica.

Ky i fundit pritet të largohet nga Werder Bremen në fund të këtij sezoni dhe ka oferta nga disa skuadra gjermane e europiane, ndërsa favorit deri tani mbetet Leipzig, por Napoli ka gati 25 milionë euro për të kënaqur klubin gjerman.

Nga ana tjetër nuk pritet të jetë aspak e vështirë që Callejon të gjejë një skuadër tjetër, pasi fakti që do të jetë lojtar i lirë, ka zgjuar interesin e shumë klubeve, kryesisht në La Liga ku Sevilla e Valencia janë gati t’i ofrojnë një kontratë 2-vjeçare.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco