Trajneri italian: Do luajmë 12 ndeshje në 40 ditë, njësoj sikur të ngjitësh Everestin

Trajneri italian: Do luajmë 12 ndeshje në 40 ditë, njësoj sikur të ngjitësh Everestin

21:27, 24/05/2020

Trajneri i Lecces, Fabio Liverani, kundërshton aplikimin e 5 zëvendësimeve për skuadrat gjatë ndeshjeve pas rikthimit në fushë.

Tekniku italian shprehet se tashmë kampionati do të marrë formatin e një Kupe Bote ku një ekip duhet t’i mbyllë 12 takime për 40 ditë.

Ai e ka quajtur këtë situatë njësoj si “të ngjitësh Malin Everest”.

“Rinisja e mundshme e futbollit italian – Kjo situatë për ne tani është njësoj si të ngjitësh Everestin. Kemi një ekip që përgatitet për një ndeshje në javë, tani do të luajmë njësoj sikur të jemi në një Kupë Bote apo Kampionat Europian, sepse duhet të luajmë 12 ndeshje në 40 ditë.

5 zëvendësimet – Nuk mund të ndryshojmë rregullat në mes të sezonit. Do ta mbyllim sezonin pa fazë përgatitore. Nga ky ndryshim rregullash përfitojnë ekipet që kanë kontingjent të madh lojtarësh”, deklaroi Liverani.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco