Premier League po përgatit planin për rinisjen e stërvitjes në grup, por shumë futbollistë nuk ndihen të sigurt për të zbritur sërish në fushë.
Sulmuesi i Manchester Cityt, Sergio Aguero, rrëfen se është i shqetësuar për situatën dhe jep alarmin.
“Shumica e futbollistëve kanë frikë të kthehen për të luajtur, ata kanë fëmijë, kanë një familje”, shpjegoi argjentinasi i Citizens në një intervistë me “El Chiringuito”.
“Dhe nëse dikush sëmuret, do të themi: çfarë po ndodh këtu? Unë jam i mbyllur në shtëpi me partneren time. Ka njerëz që kanë Koronavirus dhe nuk kanë simptoma, por ata mund ta transmetojnë atë”, vazhdoi “El Kun”, duke treguar disa shqetësime për rifillimin e mundshëm të kampionatit anglez.
“Unë mund ta kem vetë Koronavirusin dhe as nuk e di. Kur të kthehemi në punë, lojtarët do të jenë nervozë dhe super të kujdesshëm. Shpresa është se do të gjendet së shpejti një vaksinë dhe gjithçka të mbarojë”, përfundoi Aguero.
© SYRI.net
Bëje LIKE dhe merr lajmin e fundit nga Sporti: