Pasditen e sotme, qeveria franceze njoftoi se nuk do të ketë aktivitete sportive në vend deri në muajin shtator.
Një vendim i fortë i konfirmuar këtë mbrëmje dhe nga presidenti i Federatës Franceze të Futbollit Noel Le Graet.
Me anë të një deklarate për shtyp, institucioni që administron futbollin francez ka marrë përsipër përgjegjësinë për të konfirmuar përfundimin e kampionateve që organizon, Ligue 1, Ligue 2, National, D1 dhe atë për femra.
"Ne kemi informuar Comex (komitetin ekzekutiv i FFF), se këto kompeticione janë ndërprerë përfundimisht. Ishte e pamundur, sipas direktivave të UEFA-së, të kishim zhvillim të saj në vjeshtë.
Tani duhet të zbatojmë rregulloret: duhet të jenë dy klube që ngjiten dhe dy që zbresin në Ligue 2, ndërsa në Ligue 1 do të kemi dy skuadra që zbresin”, u shpreh Le Graet.
© SYRI.net
Bëje LIKE dhe merr lajmin e fundit nga Sporti: