Legjenda e Anglisë, Gary Lineker ka folur për situatën kritike që po përjeton bota e futbollit si pasojë e pandemisë së koronavirusit.

Lineker është shprehur se sezoni duhet të pezullohet dhe të ndiqet shembulli i Holandës. Titulli të mbetej vakant dhe të mos jepej, ndërsa nuk do të ketë rënie dhe ngjitje në kategori.

"Mund të jetë e vetmja zgjidhje", - shkruan shkurtimisht ai. Nuk kanë munguar kundërpërgjigjet dhe një prej tyre është Jamie Carragher. Ky i fundit mendon se sezoni duhet të mbyllet, pasi të kalojë pandemia e COVID-19.