Reja këshillon Napolin të marrë Marash Kumbullën

Reja këshillon Napolin të marrë Marash Kumbullën

17:20, 24/04/2020

Trajneri i Kombëtares, Edi Reja, ka dhënë një prononcim për mikrofonin e “Kiss Kiss Napoli”, ku veç të tjerave ka folur për një transferim të mbrojtësit të Kombëtares, Marash Kumbulla, drejt skuadrës së Genaro Gattusos.

Tekniku italian nuk i ka kursyer elozhet për shqiptarin, teksa u shpreh: “Dua ta uroj Napolin që transferoi Rrahmanin, e kam parë vetë këtë futbollist dhe ka për ta gjetur veten shumë mirë me fanellën e kësaj skuadre. Ai është kosovar, por unë do të dëshiroja ta kisha në skuadër, sepse ai u thirr kur De Biasi ishte trajner në Kombëtaren e Shqipërisë. Kosova e pyeti nëse dëshiron të jetë pjesë e Kombëtares së tyre dhe ai tha ‘po’. Është një turp me të vërtetë, do të më pëlqente shumë me Kombëtaren shqiptare.

Kumbulla është një lojtar i shkëlqyer që mund të merret te Verona. Napoli mund të bënte një goditje të madhe me të në merkato, por ka edhe shumë klube të tjera italiane që e duan në Itali. Milan, Inter dhe Juventus, por edhe skuadra të tjera të njohura jashtë Italisë.

Afrimi i Kumbullës do të ishte vërtet një tjetër goditje e madhe për të kaltrit. Unë kam kujtime të shkëlqyera te Napoli, i kujtoj me nostalgji ato vite. Akoma më dërgojnë video dhe foto, para disa ditësh më dërguan një video nga fitorja kundër Interit me një gol të shkëlqyer të Zalajetës”, u shpreh Reja.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco