Mesfushori Aaron Ramsey ka shprehur mirënjohjen për Cristiano Ronaldon i cili sipas tij është futbollisti më i mirë në botë.
“Përveçse është një lojtar i jashtëzakonshëm, Cristiano është gjithashtu një person shumë i mirë, një nga më të mirët në historinë e futbollit”, ka thënë fillimisht Ramsey.
“Kur e pashë në seancën e parë të stërvitjes, shkova në mensë dhe ai më kërkoi që të ulem me të. Ne folëm shumë dhe kjo më kënaqi sepse menjëherë më bëri të ndihem i qetë. Cristiano është një person i mrekullueshëm. Ai i do shokët e tij të skuadrës dhe gjithmonë jep më të mirën në stërvitje”, tha Ramsey.
29-vjeçari u transferua nga Cardiff në Arsenal në korrik të vitit 2008 dhe nuk përjashton rikthimin për të përfunduar karrierën me ekipin nga Uellsi.
“Falë tyre, u bëra një futbollist profesionist. Kështu që, një ditë mund të kthehem përsëri”, përfundoi mesfushori.
© SYRI.net
Bëje LIKE dhe merr lajmin e fundit nga Sporti: