Stefano Pioli pritet të qëndrojë tek Milani.

Sipas “La Gazzetta dello Sport”, Pioli ka bindur drejtuesit e klubit kuqezi për të vijuar punën dhe për të përmirësuar situatën e klubit të Milanit pas krizës aktuale të koronavirusit.

Marrëdhënia e tij me Zlatan Ibrahimovicin mund të përdoret për të bindur suedezin që të qëndrojë në këtë klub. Pas një fillimi zhgënjyes të sezonit nën urdhrat e Marco Giampaolo, trajneri aktual ka përmirësuar rezultatet në “San Siro”, duke filluar me riparimin e pjesës së mbrojtjes.

Duke pasur parasysh krizën aktuale në futboll dhe pasojat financiare që ka shkaktuar koronavirusi, Pioli pritet të mbetet në krye të detyrës te “Rossonerët”.

Pioli mori përsipër ekipin në tetor dhe e ardhmja e tij ka qenë e pasigurt me raportet në lidhje me kontaktin midis drejtorit Ivan Gazidis dhe Ralf Rangnick, duke çuar në largimin e drejtorit sportiv Zvonimir Boban.