Ish-trajneri i Dinamos, në sezonin 2010-2011, Luis Manuel Blanko, është në luftë me jetën. 

66-vjeçari argjentina, është prekur nga Koronavirusi, teksa eshtë duke bërë terapi intensive.

Blanko ka dhënë një prononcim të shkurtër për mediat argjentinase në lidhje me gjëndjen e tij, teksa është shprehur: “Tani për tani gjendem në spital. Kam rezultuar pozitiv me Koronavirus dhe po luftoj për ta mposhtur. Me siguri do t’ia dal”, ka përfunduar ai.

Kujtojmë që aventura e Blankos me blutë e Dinamos, zgjati vetëm 18 ndeshje, ku arriti të siguronte, 8 fitore, 4 barazime dhe 6 humbje.

Trajneri argjentinas, së fundmi ishte pjesë e Mons Calpe në Gjibraltar.