Sulmuesi shqiptar, Elis Bakaj, ka pësuar një dëmtim.
Ish-futbollisti i Partizanit, Dinamos, Tiranës, Vllaznisë dhe Kukësit u dëmtua në sfidën e kampionatit bjellorus midis skuadrës së tij, Dinamo Brestit, dhe Slavia Mozirit, e cila u luajt ditën e shtunë.
Bakaj la fushën në minutën e 57-të duke detyruar trajnerin e tij të bënte zëvendësim të detyruar.
Në Bjellorusi aktivitetet futbollistike ende vazhdojnë, ndërkohë që shteti nuk ka marrë masa serioze kundër përhapjes së Koronavirusit.
Sulmuesi i Kombëtares së Shqipërisë, Azdren Llullaku, i cili luan në kampionatin bjellorus me Shakhtior Soligorskin u bëri apel autoriteteve që të ndërpresin kampionatin dhe të menaxhojnë me seriozitet situatën.
Shumë pak vende të botës (Bjellorusia, Taxhikistani dhe Nikaragua) lejojnë akoma vazhdimin e aktiviteteve sportive.
© SYRI.net
Bëje LIKE dhe merr lajmin e fundit nga Sporti: