Neymar Junior është përfolur shumë për një rikthim të mundshëm të Barcelona, njësoj si Kylian Mbappe, i cili ndryshe nga braziliani, lidhet me emrin e Real Madrid.

Por, pavarësisht spekulimeve, prestigjiozja “L’Equipe” raporton se e ardhmja e dy yjeve të PSG-së është e vendosur dhe do të vazhdojë të jetë Parisi. Si Neymar, ashtu edhe Mbappe do të vijojnë të jenë pjesë e kampionëve të Francës, të paktën edhe për sezonin e ardhshëm.

Mbetet për t’u parë nëse ky lajm do të vërtetohet, pasi të dy lojtarët kanë shfaqur shpesh pasiguri sa i përket të ardhmes së tyre.