E ardhmja e Thiago Silvas tek PSG , është në dyshim.
Në skadim të kontratës në fund të sezonit, mbrojtësi brazilian do të dëshironte ta vazhdonte dhe më tej aventurën te parisienët. Një dëshirë që duket e pamundur, pasi drejtuesit e klubit francez nuk kanë këtë mendim.
I ndodhur në Brazil prej disa ditësh, pasi vendosi të largohej nga Parisi, për shkak të pandemisë së koronavirusit, Silva pati një një bashkëbisedim me ish-futbollistin Caio Ribeiro në kanalin “SporTV “.
Mbrojtësi 35 vjeçar shprehu dëshirën për të veshur edhe një herë fanellën e Flumineses përpara se të mbyllte karrierën: “Është dëshira ime sepse në njërin nga momentet më të vështira të karrierës sime, Fluminense më hapi derën. Nuk e di se kur do të rikthehem, por jam i bindur se do ta vesh sërish një ditë fanelën e Fluminenses”, u shpreh futbollisti Tiago Silva.
Kujtojmë që në vitin 2005 kur ishte pjesë e Dinamos së Moskës, Silva u diagnostikua me turbekuloz dhe kur të gjithë ia kishin mbyllur dyert, Fluminense ia hapi ato dhe e bëri pjesë të skuadrës.
© SYRI.net
Bëje LIKE dhe merr lajmin e fundit nga Sporti: