Djali i Diego Maradonës mendon se Lionel Messi është i pakrahasueshëm.
Maradona Junior thotë se gjithmonë largohet nga tavolina kur nis debati dhe e krahasojnë Cristiano Ronaldon me gjashtë herë fituesin e “Topit të Artë”.
“Messi është shumë më i mirë se Ronaldo. Nuk mund ta krahasoni një njeri me një ‘alien’. Largohem nga tavolina sa herë që e krahasojnë Messin me Ronaldon”, tha ai.
“Ronaldo është sulmues i shkëlqyer, por s’mund të krahasohet me Messin. Askush sot s’mund të krahasohet me Messin”, shtoi djali i legjendës.
“Messi është fenomen, e adhuroj. Messi është lojtar që nëse vendos të shënojë 5 gola në një ndeshje, e bën pa problem. Ata që e kritikojnë, nuk dinë asgjë për futbollin”, përfundoi djali i Maradonës.
© SYRI.net
Bëje LIKE dhe merr lajmin e fundit nga Sporti: