U luajtën disa prej ndeshjeve të kthimit të turit të 1/16-ave të Europa League, ku u kualifikuan skuadrat e para.
Në ndeshjet e orës 18:55, Roma ia doli të kualifikohej ndaj skuadrës së Gent.
Italianët kishin triumfuar në shtëpi me rezultatin 0-1, ndaj në Belgjikë iu mjaftoi një barazim 1-1 për të prenotuar biletën e raundit pasardhës.
Ndërkaq, Baseli i Xhakës kishte marrë një sukses 0-3 në transfertë përballë APOEL dhe ecte i sigurt drejt kualifikimit, ndërkohë që triumfoi edhe në përballjen e sotme me rezultatin 1-0.
Mesfushori i kombëtares u aktivizua për 90 minuta, ndërsa në minutën 46-të u aktivizua edhe Edon Zhegrova.
Sakaq, Porto kërkoi të shfrytëzojë faktorin fushë dhe të përmbyste humbjen 1-2 në transfertë përballë Bajer Leverkusen, por në fund portugezët pësuan një tjetër disfatë. Këtë herë me rezultatin 1-3.
Një kualifikim i lehtë parashikohej ai i Wolves në Spanjë ndaj Espanjol, pas fitores në shtëpi javën e kaluar me rezultatin 4-0.
Edhe pse u mposhtën me rezultatin 3-2, anglezët vazhdojnë përpara në raundin tjetër.
Në takimet e tjera u kualifikuan LASK Linz dhe Wolfsburg, ndërsa sfida mes Bashksehir dhe Sporting shkon në shtesë.
© SYRI.net
Bëje LIKE dhe merr lajmin e fundit nga Sporti: