Liverpooli luajti në “Anfield” ndeshjen e javës së 27-të të Premierligës angleze kundër West Ham, shkruan Syri.net.

“The Reds” koleksionuan një tjetër tripikësh, duke vazhduar me hap gjigant rrugën drejt titullit, pasi shënuan fitoren e 26-të (vetëm 1 barazim).

Pjesa e parë u mbyll në barazim 1-1, me Wijnaldum që kalon skuadrën e Jurgen Klopp në avantazh në minutën e 9-të, por miqtë me Diop në të 12’ vënë gjithçka në baraspeshë.

Në fraksionin e dytë të lojës, në minutën e 54-t, Fornals surprizon kryesuesit e Premierligës, duke shënuar golin e avantazhit për West Ham.

Liverpooli hidhet në sulm, pasi nuk pajtohet me humbjen.

Salah në të 69’, me një gjuajtje me të majtën brenda zone, ku portierit mik i shpëton topi nga duart, barazon 2-2,

Mane (81’) ishte autori i golit të fitores 3-2, e cila e ngjit Liverpoolin në kuotën e 79 pikëve, plot 22 më shumë se Manchester City i vendit të dytë.